Biglaang pagbagsak ng TV5 sa pinaka-importanteng primetime slot

 

Kung single-channel ratings ang pagbabasehan, kapansin-pansin ang biglaang pagbagsak ng TV5 sa pinaka-importanteng primetime slot. 

Mula sa dating pagiging ikalawa, napunta na ito sa ikaanim na puwesto, matapos itong maungusan ng ALLTV—isang network na dati’y decimal points lamang ang kinukuha sa ratings ngunit ngayo’y ikatlo na sa pinaka-pinanonood na free-to-air channel sa bansa.

Mas lalong ikinagulat ng marami na mas mataas pa ang ranking ng Kapamilya Channel ng ABS-CBN, kahit isa lamang itong cable o pay TV channel, kumpara sa TV5 na free-to-air. Para sa ilang tagamasid, malinaw na may malaking pagbabago sa panlasa at loyalty ng manonood—lalo na sa primetime kung saan pinakamabigat ang laban.

Dahil dito, tanong ngayon ng netizens: May pag-asa pa bang makabangon ang TV5? O matagal-tagal pa itong magdurusa sa naging desisyon nitong tanggalin ang mga Kapamilya programs na matagal ding humatak ng viewers? Sa mabilis magbago na mundo ng telebisyon, malinaw ang isang bagay—content is king, at ang tiwala ng manonood ay hindi basta-basta nababawi. 🫣📺

Abangan kung paano tutugon ang TV5 sa hamong ito—revamp ba ng programa, bagong partnerships, o balik-sigla sa primetime?