Hindi nakaligtas ang batikang komedyante na si Michael V a.k.a. Bitoy sa trending na usapin kaugnay ng dating Pasig mayoralty bet at ngayo’y contractor na si Sarah Discaya.
Matapos lumabas si Discaya sa Senate Blue Ribbon Committee noong Setyembre 1 at umamin na may 28 luxury cars siya, naging instant hot topic ang hitsura at paraan ng pagsasalita niya — na ayon sa netizens, kamukhang-kamukha ni Michael V!
Mabilis na kumalat ang hirit online: “Excited na kami sa parody ni Bitoy sa Bubble Gang!” May iba pang nagbiro ng, “Kaya pala hindi nanalo sa pagka-mayor, destined maging artista!”
Lalong lumakas ang usapan nang mag-post ang Bubble Gang official page ng throwback pic ni Bitoy na naka-puting polo, may salamin, at maikling buhok — hawig na hawig sa itsura ni Discaya sa pagdinig. May caption pa na: “Hiyang-hiya naman kami sa’yo ‘no!” Kaya’t mas tumindi ang tawanan ng netizens na agad nag-assume na patama ito sa viral issue.
Paboritong suggestion ng mga tao kung sakaling gawin parody? Dapat may kasamang payong! 🌂 Ito’y matapos sabihin ni Discaya na isa sa mga dahilan ng pagbili niya ng luxury car ay dahil may libreng umbrella feature daw ito.
Hanggang ngayon, tahimik pa si Bitoy kung papatulan ba niya ang panawagan ng fans. Pero sa dami ng memes at banat online, mukhang natural lang na mapunta ito sa Bubble Gang skit soon.
Patunay lang: kahit seryoso ang kontrobersya, sa mundo ng Pinoy netizens at comedy, lahat puwedeng gawing good vibes at katatawanan. 🤣
#MichaelV #BubbleGang #SarahDiscaya #ShowbizChikadora
No comments:
Post a Comment