Kapatid ni Gela Alonte, bumanat sa bashers: “Mam5-tay kayo sa inis!”

 

Usap-usapan ngayon ang mga matapang na post ng isang TikTok account na gumagamit ng pangalang Gelo, na sinasabing kapatid ng social media personality na si Gela Alonte.

Si Gela ay kilala online bilang influencer, anak ni Mayor Angelo Alonte ng Biñan City, at kasintahan ng dating PBB Celebrity Collab housemate na si River Joseph. Kaya naman laging nasa spotlight hindi lang siya, kundi maging ang kanyang pamilya.

Sa TikTok account ni Gelo, sunod-sunod ang mga video na tila direktang patutsada sa mga basher. Isa sa mga pinakamatapang na caption ang nagsasabing:

“Pilit mong sisirain ‘yong tao kasi nakikita mo sa kaniya ‘yong buhay na gusto mo. Sobrang pait talagang lunukin ng inggit, no?”

Hindi pa doon nagtapos—sa isa pang post ay binuweltahan niya ang paratang na konektado sa politika:

“Tapos paulit-ulit ‘yong word na ‘corrupt parents mo,’ wala namang kasiguraduhan… mamatay kayo sa inis!!!”

Dahil dito, muling nabahiran ng kontrobersya ang pamilya Alonte. Para sa ilang netizens, may punto si Gelo at tama lang na ipagtanggol ang sarili. Pero para sa iba, natural lang na kuwestyunin ang mga pamilyang may koneksyon sa politika, lalo na’t may hawak silang impluwensya at kapangyarihan.

Sa kabila ng issue, nananatiling aktibo si Gelo sa TikTok at patuloy na sumasagot sa mga basher—hindi nananahimik, kundi pinipiling lumaban sa pamamagitan ng kanyang mga posts.

#GelaAlonte #AlonteFamily #ShowbizChikadora