Nagmarka ng kasaysayan ang 51st Metro Manila Film Festival matapos magwagi sina Vice Ganda at Krystel Go ng mahahalagang acting awards sa Gabi ng Parangal na ginanap noong Biyernes, Disyembre 27, sa Dusit Thani Manila sa Makati.
Nasungkit ni Vice Ganda ang kanyang unang MMFF Best Actor award para sa pelikulang Call Me Mother, isang malaking milestone sa kanyang karera bilang komedyante at box-office star. Samantala, gumawa rin ng kasaysayan si Krystel Go matapos manalo bilang Best Actress para sa I’mPerfect, isang pelikulang tampok ang mga kabataang may Down syndrome na siya ring hinirang na Best Picture ng festival.
Dinaluhan ang awards night ng mga filmmaker, artista, at lider ng industriya bilang pagkilala sa mga lokal na pelikulang kasalukuyang ipinalalabas sa ilalim ng MMFF.
Kabilang sa iba pang pangunahing nagwagi sina Jeffrey Jeturian bilang Best Director para sa Unmarry; Odette Khan bilang Best Supporting Actress; Tom Rodriguez bilang Best Supporting Actor; at sina Chris Martinez at Therese Cayaba para sa Best Screenplay ng Unmarry.
Mapapanood pa sa mga sinehan sa buong bansa ang mga pelikulang kalahok sa MMFF hanggang Enero 14, 2026.
No comments:
Post a Comment