Iba ang saya ni Andrea Brillantes simula nang lumipat sa Kapatid Network, dahil ngayon ay ganap na siyang certified Kapatid.
Kamakailan, nagpalit rin siya ng talent agency at manager matapos hindi na siya mabigyan ng regular projects sa dati niyang network, kung saan guest lamang siya paminsan-minsan. Dahil sa angking galing at talento ni Andrea, agad siyang pumirma sa Media Quest Artist Agency (MQAA), na pamamahalaan ni Mr. Johnny Manahan (Mr. M), na dati rin niyang nakatrabaho.
Hindi nagtagal matapos pirmahan ang kontrata, nailinya agad si Andrea sa malalaking proyekto ng Kapatid Network. Bibida siya sa teleseryeng “A Secret in Prague” kasama si Enrique Gil. Bukod sa drama, puwede rin siyang bigyan ng ibang projects dahil sa kanyang versatility at galing sa pag-arte.
Hindi lamang sa showbiz kilala si Andrea; siya rin ang CEO ng beauty brand na Lucky Beauty.
Tunay ngang makabuluhan ang desisyon ni Andrea na lumipat sa Kapatid Network, lalo na’t mas makakagawa siya ng sariling content at hindi lang aasa sa guest appearances.
No comments:
Post a Comment