Nag-viral sa social media ang content creator na si Vivian Vinuya matapos siyang makuhanan ng video na pumasok at humiga sa freezer ng isang convenience store na Alfamart.
Agad itong umani ng matinding batikos mula sa publiko, lalo na mula sa mga netizen na tumuligsa sa umano’y hindi tamang asal at posibleng panganib na dulot ng kanyang ginawa.
Marami ang nagsabing hindi nakakatawa ang naturang content, lalo’t ginawa ito sa isang pampublikong lugar kung saan iniimbak ang mga pagkaing binebenta sa publiko. Inakusahan si Vinuya ng kawalan ng respeto at paglabag sa food safety protocols.
Bilang depensa, naglabas ng pahayag si Vivian: “Bakit aasim? Bagong ligo ako no’n!” Aniya, wala naman daw masama sa kanyang ginawa at ito ay para lamang sa katuwaan at entertainment.
Gayunman, hindi ito ikinatuwa ng marami, kabilang na ang ilang eksperto sa kalinisan at kalusugan. Giit nila, kahit bagong ligo pa, hindi pa rin dapat pumapasok ang sinuman sa lugar kung saan iniimbak ang pagkain dahil sa panganib ng kontaminasyon.
Hanggang ngayon ay hindi pa malinaw kung may magiging legal na aksyon ang pamunuan ng Alfamart hinggil sa insidente. Sa kabila ng kanyang pagdepensa, patuloy pa ring umaani ng puna si Vivian online, at nagsilbing babala ito sa ibang content creators na mag-ingat sa mga ipinopost na content at isaalang-alang ang tamang asal sa paggawa ng viral videos.
No comments:
Post a Comment