Kinilala ang ABS-CBN bilang Digital Media Network of the Year sa 2026 Platinum Stallion National Media Awards ng Trinity University of Asia na ginanap noong Pebrero 18.
Bukod dito, itinanghal na Best Noontime Show ang It's Showtime, habang kinilala naman ang Magandang Buhay bilang Celebrity Talk Show of the Year.
Pinarangalan din ang primetime drama na What Lies Beneath bilang Socially Relevant TV Series dahil sa matapang nitong pagtalakay sa mahahalagang isyung panlipunan na tumimo sa mga manonood.
Samantala, ginawaran si Zen Hernandez ng titulong Female News Anchor of the Year para sa kanyang dedikasyon at kahusayan sa paghahatid ng balita sa TV Patrol.
Ang Platinum Stallion National Media Awards ay nagbibigay-pugay sa mga natatanging personalidad, programa, pelikula, at organisasyon sa industriya ng media sa bansa. Ang mga nagwagi ay pinili batay sa resulta ng botohan ng mga estudyante, alumni, guro, kawani, at stakeholders ng Trinity University of Asia—patunay ng malawak na suporta at tiwala ng akademya sa mga kinilalang awardees.
No comments:
Post a Comment