TIGNAN: Pelikulang “Rosario,” Base sa Buhay ng Lola ni MVP, Ipapalabas Ngayong Gabi sa TV5

Kaabang-abang ang mga palabas ngayong gabi, January 13, lalo na sa TV5! Matapos ang “Totoy Bato,” mapapanood ang award-winning historical film na “Rosario,” na pinagbibidahan ni Jennylyn Mercado.

Ang pelikulang Rosario ay produced ng Studio 5 at naging Cinemalaya entry sa 36th Metro Manila Film Festival. Ayon sa direktor na si Albert Martinez, umabot ng limang taon ang masusing pananaliksik para mabuo ang pelikula—kaya’t asahan ang isang dekalidad at makabuluhang obra.

Base ang Rosario sa tunay na buhay ng lola ni TV5 Chairman Manuel “Manny” Pangilinan, at nakatakda ang kuwento noong 1920s. Binalikan ng production team ang panahong iyon upang maipinta nang detalyado ang istorya ng isang babaeng may pananaw at paninindigang taliwas sa konserbatibong lipunang kanyang ginagalawan.

Matapos mapanood ang pelikula, madaling mauunawaan kung bakit pinarangalan si Jennylyn Mercado bilang Best Actress sa MMFF 2010, at kung bakit karapat-dapat na makamit ng Rosario ang 2nd Best Picture award. Kapuri-puri rin ang mga pagganap nina Yul Servo, Dennis Trillo, at Sid Lucero, na nagdagdag lalim at bigat sa pelikula.

Huwag palampasin, mga ka-trending! “Rosario,” ngayong gabi na sa TV5, pagkatapos ng “Totoy Bato.”