Kylie Padilla, Etsapuwera Nga Ba sa ‘Sang’gre’?

 

Malapit nang muling sumiklab ang apoy ng Encantadia sa telebisyon sa pagbubukas ng bagong kabanata nito, Encantadia: Last Chronicles – Sang’gre. 

Kasabay ng selebrasyon ng 20th anniversary ng orihinal na serye, sabik ang mga Encantadiks sa pagbabalik ng mahiwagang mundo ng Lireo, Sapiro, Adamya, at Hathoria.

Ngunit sa likod ng matinding kasabikan ay may mga fans na hindi maitago ang kanilang pagkadismaya—lalo na ang mga masugid na tagasuporta ni Kylie Padilla, ang gumanap bilang Amihan sa 2016 reboot. Umalma sila sa tila pagkaligta sa aktres, matapos mapansing wala ito sa media conference at hindi rin itinatampok sa unang promotional materials ng Sang’gre.

Fans Umalma: “Nasaan si Amihan?”

Umani ng reaksyon sa social media ang kawalan ni Kylie sa mediacon at trailer. Ayon sa fans, bilang isa sa pinakamemorable na tagapagdala ng diwang Amihan, nararapat lamang na mabigyan siya ng kaukulang exposure bilang bahagi ng Encantadia legacy.

“Paano naging kumpleto ang Encantadia kung walang Amihan?” tanong ng isang netizen.

Suzette Doctolero: “Walang isina-tabing artista”

Agad namang tumugon si Suzette Doctolero, ang orihinal na lumikha at headwriter ng Encantadia, upang linawin ang isyu. Sa kanyang social media post, sinabi niyang walang intensyon na i-etsapuwera si Kylie. Ayon kay Doctolero, may schedule conflict lamang kaya hindi ito nakadalo sa media conference.

“Wag bigyan ng maling interpretasyon. May ibang sched kaya wala sya sa mediacon... Maraming wala kasi conflict ng sched: Solenn, Ruru, Shuvee, Ether, at surprise big guest,” ani Doctolero.

Nilinaw rin niya na nasa trailer at AVP si Kylie, kaya hindi dapat isipin na hindi siya bahagi ng proyekto.

Kylie’s Fans Remain Vocal

Sa kabila ng paliwanag, patuloy pa rin sa pagpapahayag ng kanilang saloobin ang mga fans ni Kylie. Para sa kanila, ang pagkaligta man lang sa simpleng acknowledgment sa mediacon ay indikasyong tila hindi nabibigyang-halaga ang aktres.

Gayunpaman, buo pa rin ang suporta ng kanilang fandom—patunay ng matibay na koneksyon ni Kylie sa karakter ni Amihan at sa Encantadia universe.

Patuloy ang Paghihintay

Habang papalapit ang pilot episode ng Sang’gre, marami ang umaasa na mas magiging malinaw ang papel ni Kylie Padilla sa bagong yugto ng alamat. Sa pag-usad ng istorya, inaasahang mabibigyan siya ng mas makabuluhang exposure bilang bahagi ng mas malawak na kwento ng mga diwata.

Para sa mga tunay na Encantadiks, Amihan—at si Kylie Padilla—ay mananatiling mahalagang bahagi ng mundo ng Encantadia.