Umani ng atensyon online ang aktres na si Carla Abellana matapos niyang banatan ang PrimeWater Tagaytay dahil sa umano'y kawalan ng regular na supply ng tubig, kahit pa may billing at disconnection notice siyang natanggap mula sa kumpanya.
Sa isang screenshot na ibinahagi niya sa social media, ipinakita ni Carla ang email na may subject line na “PrimeWater Tagaytay e-Bill,” na humihiling sa kanya na bayaran ang kanyang balanse at nagbabala tungkol sa naka-schedule na disconnection.
Ang maanghang niyang tugon:
“Okay lang po. Halos wala din naman po kayo supply na tubig everyday, so parang ganun na din naman po. But anyway, here’s the payment.”
Agad itong umani ng libo-libong reaksyon mula sa netizens—marami sa kanila ay nagpahayag ng parehong hinanakit laban sa PrimeWater, na pagmamay-ari ng pamilya ni Sen. Cynthia Villar.
Ayon sa ilang ulat, tinatayang 16 milyong kabahayan sa iba’t ibang bahagi ng bansa ang naglabas na ng reklamo laban sa kompanya. Kabilang sa mga karaniwang reklamo ay ang:
-
mataas na singil sa kabila ng kawalan ng tubig,
-
madalas na water interruption, at
-
hindi maayos na serbisyo.
Kabilang sa mga lugar na pinakanakararanas ng ganitong problema ay ang Bulacan, Bacolod, San Jose del Monte, Quezon Province, Cavite, at Bukidnon.
Matatandaang ang PrimeWater ay pumasok sa mga kasunduan upang i-takeover ang operasyon ng ilang dating government-run water districts, na lalong nagpasiklab ng mga reklamo at isyu sa serbisyo.
Hanggang sa ngayon, wala pang opisyal na pahayag ang PrimeWater kaugnay ng reklamo ni Carla at ng patuloy na public outcry.
Reaksyon ng Netizens:
-
“Buti pa si Carla, may platform para ma-voice out. Kami dito, araw-araw walang tubig, pero singil on-time!”
-
“Kaya pala may disconnection, hindi pala nila alam na disconnected na kami—wala ngang tubig simula pa last month!”
Sa kabila ng pagiging celebrity, tila hindi rin ligtas si Carla sa perwisyong idinudulot ng malabnaw—o madalas ay wala talagang—serbisyo ng tubig mula sa PrimeWater.
No comments:
Post a Comment