Umani ng sari-saring reaksyon ang pagkaka-anunsyo ng tambalan nina Anne Curtis at Joshua Garcia para sa upcoming Pinoy adaptation ng sikat na Korean drama na It’s Okay To Not Be Okay.
Bagamat marami ang na-excite, may ilan ding netizens ang tila hindi kumbinsido sa kanilang onscreen pairing — at isa sa mga komento ang tila hindi pinalampas ni Anne.
Ayon sa ilang netizens, tila napikon ang It’s Showtime host sa patuloy na komento tungkol sa age gap nila ni Joshua. Simula pa raw nang ipahayag na silang dalawa ang bibida sa nasabing proyekto, hindi na nawala ang mga puna na mas bagay silang mag-ina, mag-ate, o mag-tita kaysa maging romantic pair.
Narito ang ilan sa mga mas maiingay na reaksyon:
-
“Napikon na kasi si Anne. Simula nang i-announce ang casting, puro 'di sila bagay' ang nababasa. Mukhang mag-ina, mag-tita, mag-ate... eh birthday pa niya noong February kaya baka nadagdagan ang inis.”
-
“Love ko si Anne pero mukhang mismatched talaga sila. Wala bang look test bago binuo ang tambalan?”
-
“Walang kilig factor. Hindi convincing na love team.”
-
“Anne looks amazing for her age. Pero for this drama, parang mas bagay kung medyo ka-age niya ang kapareha.”
Gayunpaman, may ilan ding nagtatanggol sa aktres at sinabing hindi dapat i-base ang chemistry sa edad lamang. Sa katunayan, may mga proyekto ring naging matagumpay kahit pa may May-December love story ang tema.
Sa kabila ng mga puna, nananatiling excited ang ilan sa kung paano bibigyang-buhay nina Anne at Joshua ang mga karakter mula sa K-drama hit. Para sa mga tagasuporta nila, ang husay sa pag-arte at lalim ng emosyon ang tunay na susi para maipakita ang koneksyon sa screen — hindi ang edad o hitsura.
Magiging epektibo ba ang tambalan nila Anne at Joshua? Yan ang aabangan ng lahat sa paglabas ng Filipino adaptation ng It’s Okay To Not Be Okay.
No comments:
Post a Comment