Mainit ngayon sa showbiz circles ang bali-balitang may paparating na higanteng proyekto ang ABS-CBN Studios na pagbibidahan umano ng tatlong Urian Awardees—Jericho Rosales, Janine Gutierrez, at Yen Santos. Ngunit tulad ng kumakalat na impormasyon, wala pa itong pormal na kumpirmasyon mula sa mga artista o sa network.
Kung pagbabasehan ang mga usap-usapan, siguradong titindi ang tensyon sa primetime sakaling matuloy ang pagsasanib-pwersa ng tatlo. Kilala ang bawat isa sa kanilang matitinding acting chops, kaya inaasahang magiging isang de-kalibreng drama ang proyekto kung ito ay magkatotoo.
Dagdag pa sa excitement ng fans, bali-balita rin na magsisilbi itong reunion project nina Jericho at Yen, na huling nagpakitang-gilas sa hit primetime series na Halik. Ang kanilang chemistry noon ay umani ng matinding papuri, kaya naman umaasa ang marami na muling mauulit ang kanilang tagumpay.
Hindi rin pahuhuli ang tambalang “Echonine” (Echo at Janine), na umano’y magkakaroon ng ikalawang proyekto matapos ang kanilang matagumpay na pagsasama sa revenge drama na Lavender Fields. Bagamat wala pang opisyal na detalye, lalong tumitindi ang haka-haka na ito na nga ang susunod nilang proyekto.
Sa ngayon, nananatiling bali-balita pa lamang ang lahat at hinihintay pa ng publiko ang kumpirmasyon mula sa ABS-CBN at sa mga artistang sangkot.
Pero kung sakaling ito ay maging totoo—
ABANGAN ANG MALALANG PUKSAAN SA PRIMETIME! 🔥📺
No comments:
Post a Comment