Usap-usapan ngayon sa industriya na diumano’y nagsisimula nang magplano ang GMA ng isang network-produced noontime show bilang paghahanda sakaling tuluyan nang hindi ipagpatuloy sa kanilang istasyon ang It’s Showtime.
Ayon sa mga bulung-bulungan, napansin diumano ng management ng GMA ang madalas na pagbanggit ng It’s Showtime sa iba’t ibang platform at programang umeere—kabilang na diumano ang mga palabas na nasa ibang network. Para sa ilan, itinuturing diumano itong unfair at unethical, lalo na kung may umiiral na kontratang nagtatakda na hindi dapat binabanggit ang ibang network o programa sa loob ng istasyon ng GMA.
Bukod dito, may isyu rin diumano sa pagbibigay ng tamang kredito sa ratings ng GMA, kung saan umaasa raw diumano sa aggregated ratings imbes na sa single-channel performance. Dahil dito, layon diumano ng Kapuso network na mas pagandahin at palakasin ang kanilang kasalukuyang humihinang noontime block.
“Tatak Kapuso” Noontime Show, Niluluto na nga ba?
Bilang tugon, lumulutang diumano ang ideya ng isang “tatak Kapusong noontime show”—isang programang buo ang identidad at likhang-GMA mula konsepto hanggang produksyon. Para sa maraming diumano’y true-blue Kapuso fans, ito raw ang matagal nang hinihintay: “love your own brand.”
May isa pang mahalagang dahilan kung bakit ito pinag-aaralan diumano: marami sa mga talents ng Sparkle GMA Artist Center ang kasalukuyang walang regular na proyekto. Ang isang daily noontime show ay maaaring magsilbing Monday-to-Saturday visibility platform, kung saan mas makikilala ang kanilang husay sa hosting, comedy, kanta, sayaw, at akting. Isa rin itong magandang avenue diumano upang palakasin ang GMA Records sa pamamagitan ng album at single promotions.
“Noontime High!”—Diumano’y Working Title
Mas lalong umiinit ang usapan sa diumano’y working title na “Noontime High!”, na ayon sa mga nakarinig ay pangmalakasan na agad kahit sa pangalan pa lang. Pinag-aaralan na rin diumano ang magiging linya ng hosts, na sinasabing balanse ang timpla ng comedy, hosting, at performance.
Kabilang diumano sa mga posibleng bumuo ng show ang:
-
Michael V bilang creative leader
-
Alden Richards
-
Betong Sumaya
-
Herlene Budol
-
Chariz Solomon
-
Glaiza De Castro
-
Michael Sager, Zephanie Dimaranan, Shuvee Etrata, at Anthony Constantino
Ayon sa mga nakasaksi diumano sa mga test discussions, maganda raw ang chemistry ng grupo—mga host na kilala sa mabilis mag-adlib, may musical skills, at likas na creative. Kung matutuloy, itinuturing diumano itong super package ng noontime entertainment.
Nakikinig na nga ba ang GMA Executives?
May mga nagsasabing diumano’y unti-unti nang nakikinig ang GMA executives sa panawagan ng kanilang true-blue supporters. Kung magkatotoo ang Noontime High!, maaari itong maging sagot sa matagal nang hinaing ng Kapuso fans na magkaroon ng noontime show na tunay na kanila.
Sa ngayon, pawang diumano at espekulasyon pa lamang ang lahat. Ngunit kung maisasakatuparan, inaasahang magpapalakas ito hindi lamang ng noontime block kundi pati ng Afternoon Prime—at higit sa lahat, magpapatibay sa ugnayan ng GMA Network sa mga manonood sa loob at labas ng bansa.
No comments:
Post a Comment