May kilig sa hangin sa pagitan nina Jak Roberto at Kylie Padilla!
Sa isang panayam ni Boy Abunda sa Fast Talk, diretsahang inamin ng Kapuso actor na malapit na talaga ang loob niya kay Kylie, lalo na’t ilang beses na silang nagkasama sa mga proyekto — kabilang na ang bago nilang teleserye na “My Father’s Wife.” 🎬
“We’re so comfortable with each other kasi. Nag-work kami before sa Bolera, at natuwa ako sa kanya na katrabaho dahil she’s so open sa mga eksena. Wala na siyang mga walls or inhibitions,”
pahayag ni Jak.
Hindi rin itinago ng aktor ang paghanga niya sa personalidad ni Kylie.
“Masarap kausap. Marami siyang gustong ipaglaban. Marami siyang gustong gawin at i-discover,”
dagdag pa niya.
At nang tanungin kung posible bang ligawan niya si Kylie — aba, hindi itinanggi ni Jak!
“Hindi siya mahirap mahalin. Napaka-open, genuine, at napakatalino kausap. Wala sigurong guy na hindi mai-in love sa kanya dahil ganun siya ka-genuine na tao,” ani ng aktor na halatang kinikilig. 😍
Gayunman, nilinaw ni Jak na ayaw niyang madaliin ang anumang nararamdaman niya.
“Kung bibigyan ako ng chance, siguro hindi pa ngayon kasi gusto kong ingatan kung anong meron kami bilang close na magkaibigan,” paliwanag niya.
Dagdag pa ni Jak, ibang klaseng connection daw ang nabuo nila ni Kylie.
“Parang first time ko magkakaroon ng girl best friend, if ever. Ganun ko na siya ituring,” aniya.
Sa ngayon, parehong busy sina Jak at Kylie sa kanilang proyekto, pero ayon sa mga netizen — iba ang chemistry ng dalawa on and off cam! 🔥
Kung saan hahantong ang closeness nila? Abangan, dahil mukhang may bagong love team na aabangan sa Kapuso network! 💖
No comments:
Post a Comment